Куцця

  • 2 шклянкі ячных круп (пшанічных, рысавых),
  • 5 шклянак вады
  • соль

Перабраць крупы, прамыць, адкінуць на друшляк, даць сцячы. Заліць вадой у вялікай місе і пакінуць на ноч. Зліць ваду. Укінуць у рондаль з падсоленым кіпнем і гатаваць, пакуль крупы не набрыняюць. Зліць лішнюю ваду. Можна дадаць крыху алею. Запячы ў духоўцы пры 160˚С каля 40 хвілін.

Куццю  можна падаць з макавым малаком.

  • 400 г маку
  • ½ шклянкі мёду

Насыпаць мак у місу, заліць кіпенем, перамяшаць і пакінуць на 15 хвілін. Зліць ваду,  заліць кіпенем, перамяшаць і пакінуць на 30 хвілін, пасля чаго зноў зліць. 2–3 разы перамалоць у кухонным камбайне, ужываючы вельмі вострыя нажы, пакуль макавая маса не набудзе крыху белаваты колер ад соку. Закіпяціць 1,5 літры вады і заліць мак, дадаць мёд і пакінуць у халодным месцы. Можна таксама дадаць молаты міндаль, разынкі і г. д. 

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *